scuindarole
/-ò-/
scuin|da|ro|le
[CO]
-
s.f.
puest dulà che si platisi o dulà che si plate alc o cdn.:
e jere rivade adore di viodi ce che al veve Tilio te valisute di corean; cumò sì che e saveve parcè che le platave vuê tun puest e doman intun altri [...] al cambiave simpri scuindarole (Pieri Menis, Il fi de Rosse);
doi vielis, picjâts pal cuel suntun trâf dal stali, parcè che no volevin pandi la scuindarole dai partigjans (Gianni Gregoricchio, La clape)
Sin. scuindarili
Var. scundarole
-
s.f.
robe, azion e v.i. fate di scuindon, in segret:
bisugne che discorìn plui clâr sâstu; no mi plasin ciertis scuindarolis (Costantino Smaniotto, Co l'amôr al cimie);
"Si capìs che à di vê fat ancje jê lis sôs scuindarolis di zovine [...]" (Vittorio Vittorello, A ogni cost)
-
s.f.
[BF]
(coloc.)
femine che e fâs robis di scuindon:
e dapardut son primarolis, / son scuindarolis / e vedovelis, / brutis e bielis, / gobis, vedranis, / che dit e fat / son letoanis (Pieri Çorut, Ducj parturìs)