scrocâ1
scro|câ
[CO]
-
v.intr.
di mecanisim, fâ un moviment svelt e sec:
il palisson al scrocà e la conole de man drete di Jacum e restà imbrenade. Paron Rico che al stave fasint la vuaite al sintì vosâ e clamâ jutori (Angelo Covazzi, Ûfs e fasûi)
-
ancje di alc che nol sedi un mecanisim, fâ un moviment svelt o movisi, nassi o mostrâsi in maniere svelte e secje:
fra i tarlups va il nûl in fetis, / scroche il ton cun grant tremaç (Toni Broili, I trucs furlans 1847)
-
fâ un sun sec:
o scolti atent il pas dal timp. O lei / e une angosse mi strenç il cuel, mi sglonfe il cûr. / Scroche un scûr di balcon, disore (Ercole Carletti, Gnot di vint)
-
v.intr.
ancje di alc che nol sedi un mecanisim, vê un efiet, un risultât o rivâ al so tiermin:
si presentave infalibil, magari a dute gnot, a judâ gno pari cuant che al scrocave pe vacje il timp dal fâ (Ivano Urli, I ordenâi)
-
v.tr.
fâ funzionâ un mecanisim che al fâs un moviment svelt e sec:
Toni al cjarie la sclope, / e al met prin jù la stope, / po al scroche, ma no i pie (Pieri Çorut, La tempieste)
-
fâ fâ un sun sec:
al scrocà i dêts (Eugjeni Marcuç, Liende a Sant Zuan)
-
v.intr.
di mecanisim, blocâsi e no funzionâ:
se a una Vedeta intenzionada di sbarâ i scrocàs il fusîl, clamerà sença ritart e cun fuarta vôs: "il nemì l'è culì" (der Feind ist da!) (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
v.intr.
ancje di alc che nol sedi un mecanisim, no funzionâ, no lâ indenant, no dâ i risultâts che si spietavisi:
"Se a mi scroche un afâr, jo i 'nt tenti subit un altri" (Anute Fabris, A passe la scalmane);
in Avost al jere stât pôc ben e cussì la stagjon [su la fornâs] e veve… scrocât… (Maria Forte, Mabile la Lunghine)
-
ancje di cdn., no fâ ce che si spietavisi di lui:
tant si la campe se no mi scrochin i fituâi (Toni Broili, I trucs furlans. Ombre di lunari par l'an 1851)
