scovacis
/-và-/
sco|va|cis
[AF]
-
s.f.pl.
cuantitât di polvar o altre sporcjisie dade dongje cu la scove:
"Eco ca la grant pulizie, scovacis sot dai armârs, fruçons tai cassetins, un dêt di polvar... " (Pieri Somede dai Marcs, Barbane)
-
s.f.pl.
robe di butâ vie:
a àn scomençât la racuelte diferenziade in forme massive e duncje di achì indevant a saran simpri mancul scovacis che a àn di lâ te discjarie (Antonella Lanfrit, Scovacis a pês di aur);
al començave a gotâ ploie, jê e veve scovacis di puartâ vie e par spesseâ, di no bagnâsi, e veve lassât il ristiel spalancât (Jolanda Mazzon, Cungjò Friûl)
-
s.f.pl.
servizi di racuelte e tratament de robe di butâ vie:
tal setantetrê o ai cambiât lavôr o soi lât in comun intes scovacis (Mario Beltramini, Jo e Graziella);
il 6,3 par cent nol rive a paiâ lis scovacis (Walter Tomada, Puars, la muse platade dal Friûl)
Polirematichis e espressions idiomatichis