scont  /-ò-/  scont  [CO]

  1. s.m. riduzion dal presit, cuantitât di bêçs che si rinunzie a cjapâ dal compradôr par fâi un plasê, par vendi cun plui facilitât, par vie che la marcjanzie e à un piçul difiet o par altris resons:  tes spesis al ingruès, par altri, tu brinchis simpri cualchi scont plui sostanziôs (Riedo Pup, I furlans e i prâts); previodi sconts pal autobus e pes mensis dai fruts che a van a scuele tai paisuts (David Zanirato, La mont e torne a discuti sul so doman)
  2. s.m. riduzion di une cuantitât, no di bêçs, che e jere stade definide:  sconts di pene che la leç e previodarès par [...] presonîrs che a patissin di malatiis terminâls (Carli Pup, Paîs Basc: passe cent mil personis pai presonîrs politics)
  3. s.m. (fig.) riduzion concedude tal judicâ o tal fâ lis robis cun rigôr, cun incisivitât, tal dâ impuartance ai fats e v.i.:  nol è bon di fâ sconts su la veretât (Rafael Nogaro, Mantignî furlan il gust di vivi)