Dizionari de Lenghe Furlane

scoltadôr  scol|ta|dôr  [CO]

1. s.m. cui che al scolte:  mestri Checo si fermà e al cjalà i siei scoltadôrs che a jerin restâts ducj cidins e incocalîts cui voi fissâts su la sô bocje (Roberto Ongaro, Cretevierte); dopo al ven chel inrabiâsi, chê crudeltât di ducj i scoltadôrs [dal conciert] (Alan Brusini, Al Macalè)
   
   1. in particolâr cui che al scolte un program radiofonic:  i curadôrs - cun Jacum Viole al lavore Adriano Venturini - a domandin ai scoltadôrs di segnalâ situazions [di dam al ambient] che a capitin tal puest dulà che a vivin (Max Mauro, Un Friûl difarent: i 90 mhz di Onde Furlane)