sclopetâ
sclo|pe|tâ
[CO]
-
v.intr.
fâ piçui sclops, fâ suns no masse fuarts di esplosion, di alc che si romp, e v.i.:
une fassine di vidiçs secs e sclopetave sul fogolâr (Carlo Sgorlon, Prime di sere);
vôs si incrosavin, un motôr al sclopetave lontan, fruts a talpinavin sul codolât (Giovanni Pillinini, Une grampe di vite)
-
fâ un sun che si somee cun alc che al sclope o che si romp:
al tacà la cjavale ruane che, ingnervoside dal sclopetâ de scorie, si metè a trotâ cu lis orelis spiçadis (Pieri Somede dai Marcs, La braide)
-
v.intr., v.tr.
trai sclopetadis, o in câs petarts, mortarets e v.i., soredut in lontanance o cun pocje precision:
si sintive a sclopetâ i fusîi (Pieri Menis, La vuere sul Freikofel);
prin dal an. A àn sclopetât dute la gnot i frutats par sclapâ l'an (Dino Virgili, La aghe da pît la cleve)
-
colpî cun colps di sclope o fâ jessi il bersai di colps di sclope
-
v.tr.
mandâ fûr cun piçui sclops:
une çocje di morâr incrostade di boris di tant in tant e sclopetave lusignis che a murivin sù pe nape nere tun marilamp (Pieri Menis, A uciei cu lis archetis)
-
v.tr.
fâ fâ un sun che si somee a alc che al sclope o che si romp:
il cjaradôr fâs sclopetâ la scorie (Enrico Fruch, Par un mac di ciclamins)
-
v.intr.
vê une manifestazion improvise e vivarose:
butarai vie / la barzalete / che e salte, e snele / ca e là e sclopete (Guido Antonioli, Florean dal Palaç, I, 1)