scandul
/-à-/
scan|dul
[AF]
-
s.m.
reazion, soredut coletive, di conturbie e di disdegn par vie di un compuartament, di un discors, di une azion cuintri de morâl, dal sens de justizie e v.i.:
dut ce che podès dâ un scandul, rindi una animositât fra la int di una fede diferent, si devi schivâ (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
pal amôr di no promovi scandui, nome par chest, el matrimoni si farà... (Arturo Feruglio, In cîl e je une stele!...)
Var. scjandul
-
pierdite di reputazion pal fat di jessi cjacarât in public par un ciert compuartament, fat, discors e v.i., calcolât contrari ae morâl, ae justizie, ae religjon, ae tradizion e v.i.:
la fuide di sô fie Line e il scandul che al jere stât in chê volte no vevin scjalteride done Pine (Pieri Menis, Chei di Muraie)
-
s.m.
azion o declarazion che e ofint la morâl, il sens de justizie e v.i.:
"Un scandul, un scandul grant, e jo sarès stât tal mio podê di rindilu public, di svergognâ ducj cuancj, ma che il sens di pudôr par no piardi la serietât dal mio non e de mê famee, mi à tratignût" (Costantino Smaniotto, Co l'amôr al cimie);
il plevan di Sante Margarite, di chei timps, savût che un so parochian, al faseve in public, cence vergogne, il pecjadat di lei il gjornâl, al à clamât a adoremus parfin la mari e i à dit clâr e net che se nol finive chel scandul alì, lui al varès gjavât la assoluzion a dute la famee (Riedo Pup, I furlans e i gjornâi)
-
episodi politic, social o economic clamorôs e negatîf:
tal Dicembar dal 2009, cul scandul de bancje Hypo Alpe Adria, i sucessôrs di Haider si dividin in doi (Janez Erat, Carinzie: alc si môf te cuistion dai cartei bilengâi)
-
s.m.
(iperb.)
ce o cui che si calcole esagjerât, ancje intun aspiet specific:
lui nol veve dit peraule. Ma ce! ... nancje mieze peraule. Propit un scandul di debeltât chel Toni! (Maria Forte, Mabile la Lunghine)
-
s.m.
sunsûr grant di int che e zighe, che e cuistione e v.i.:
"Pal amôr di Dio che no stei a vosâ, no fasìn scandui, se vegnin i carubinîrs mi fasin sierâ buteghe" (Pieri Somede dai Marcs, La buteghe dal barbîr)