sborfâ1
sbor|fâ
[CO]
-
v.tr.
fâ colâ aghe o un altri licuit in gotis o in flus plui o mancul fin:
al sborfà aghe sante par insù, par injù e par in bande berghelant: "Fulgure tempestate! Fulgure tempestate!" (Popolâr - Istitût di Ricercje Achil Telin, Il vescul e la pueme - Friûl des culinis I)
-
bagnâ cun aghe o altri licuit in gotis o in flus plui o mancul fin:
taponâ lis plantutis cun cjarte e fueis gruessis [...], parcè che no si secjin, sborfantlis cun judizi (Emilia Baldassarre, Ort e cusine);
e cjapà sù devôr dal altâr uno scudielo cu la ago santo e cul asperges e sborfâ la muso des creaturos (Pieri Pinçan, Contos e riguarts)
-
v.tr.
fâ vignî fûr ancje gas, polvar o altri materiâl minût:
denant di lui il zagut vongolant il turibul al sborfe une fumate penze e odorose di incens (Diego Navarria, Cuant che la Messe dal Spadon si diseve in plui bandis de Patrie)
-
cuvierzi o sparniçâ di gas, polvar o altri materiâl minût:
cuant che i parè il moment, lu sborfà di saldan ben e no mâl e lu gjavà fûr cu lis tanaiis par batilu sul incuin (Luigi Gortani, Il mestri sore ducj i mestris)
-
v.tr.
(fig.)
mandâ fûr ancje alc di imateriâl:
tal puarti un ferâl al sborfave lûs flape (Jolanda Mazzon, Fûr di timp);
cun dute la cjaldure che al sborfave chel soreli, l'aiar al restave rampit e fresculin (Fabian Ros, Il lôf)
-
v.tr.
(fig., coloc.)
bevi un alcolic dongje di ce che si mangje:
al pare jù une biele fertaie cu la cevole e la sborfe cuntun pâr di bocâi di marzamin (Arturo Feruglio, I stivâi di Zuan Batiste);
al ordenave, par solit, une bisteche che al sborfave di vin bondant (Amedeo Giacomini, Tal ospedâl)