Dizionari de Lenghe Furlane

sbarcjâ  sbar|cjâ  [CO]

1. v.intr. lâ jù di une barcje o di une nâf:  la barcje a salude la spuinde, e vie pal mâr come il fulmin. A si ferme; lis feminis sbarcjin (Luigi Gortani, Il paîs misteriôs); e je une gleseute pitinine dulà che a vuelin dî che al sbarcjà Sant Marc dal leon, mandât da Diu ad Aquilee a predicjâ e batiâ in non dal Pari, dal Fi e dal Spirtussant (Dino Virgili, La aghe da pît la cleve)
   
   1. lâ jù di un avion o di un altri velivul:  Arcjan al clamà la femine a pene sbarcjât tal aeropuart (Franco Marchetta, Il numar 1089)
2. v.tr. tirâ jù o fâ lâ jù di une barcje o di une nâf:  pocjis oris di soste, juste il timp di sbarcjâ e imbarcjà passezîrs (Vico Bressan, Cîl e aghe)
   
   1. tirâ jù o fâ lâ jù di un avion o di un altri velivul
3. v.intr. (fig.) rivâ intune gnove cundizion, situazion, intun gnûf ambient:  i "Gnognos" [Gnognosaurs] a son sbarcjâts ancje sul innomenât Facebook (Redazion Lenghe.net, I Gnognosaurs a jentrin tun libri)
4. v.tr. traviersâ cuntune barcje:  dopo di vêju ben ben macolâts, a fuarce di botis, di pidadis e di sburtons compagnantju cussì, cuasi fin a Peonis, a ju oblearin a sbarcjâ il Taiament par Osôf (Anonim, Ab ira Braulinorum libera nos Domine)

Polirematichis e espressions idiomatichis

• sbarcjâ il lunari loc.v.