sbandade
/-dà-/
sban|da|de
[CO]
-
s.f.
moviment in bande che al fâs lâ fûr de traietorie:
il ciclon, cumò, al è te sô massime violence. Si fasin sbandadis di scuasi 40 grâts. I mancje un pêl che la nâf no si ribalti sotsore (Vico Bressan, Cîl e aghe);
une corse in machine, lis cinturiis no leadis, un fregul di ploie sul asfalt, une sbandade: e tun bati di ceis la vite e je svolade vie (Gabriele Lavaroni, E tun bati di ceis tu sês svolât vie, o Stiefin)
Sin. sbandon1
-
s.f.
(fig.)
pierdite di control o dal ecuilibri te vite sentimentâl:
«Fasio chest viaç par cirî une juste reson ae mê sbandade o par cirî la fuarce di slontanâmi, daurman, e dismenteâ la Leni?» (Maria Forte, La tiere di Lansing)