sanatorie /-ò-/ sa|na|to|ri|e [CO, TS]
- s.f. dir. at che al da o al torne a dâ validitât a situazions juridichis che a podaressin jessi nulis o invalidis: la istituzion formâl de Comission, la nomine dal arbitri e il ricognossiment des voris e fo fate in situazion di sanatorie, l'an sucessîf, dal Consei de Provincie di Udin (Adrian Cescje, Memoriis di politiche linguistiche)
- s.f. dir. at li che une autoritât e decît di no intervignî cuintri di situazions di iregolaritât o ilegalitât lizere, slargjade e condividude, in gjenar in cambi di un paiament forfetari: sù par jù 700 mil lavoradôrs migrants che cu la sanatorie de "Bossi-Fini" a son daûr a jessi regolarizâts (Luche Nazzi, Une cuistion di derits umans)