saldadure
/-ù-/
sal|da|du|re
[CO, TS]
-
s.f.
metal., tecn., artes.
tecniche, ativitât e azion di saldâ, di zontâ insiemi doi o plui tocs, soredut di metal:
mi jere vignût dongje par tirâ jù doi porcons par cemût che o vevi fate une saldadure (Igor Londero, Delit in vie del Lavoro)
Cfr. saldade
-
s.f.
pont li che doi o plui tocs a son tacâts insiemi:
i sin li, a cjalâ cheste saldadure che no vûl tegnî e no savìn ce fâ (Renzo Brollo, Metât mecanic);
un scubulot di fier plen di brucjis e di saldaduris (Raffaele Serafini, Contis di famee)
-
s.f.
(fig.)
union, pont di union e maniere di unîsi ancje tra elements che no sedin metalics o materiâi:
al è di resonâ propit su la saldadure tra il secondari e il terziari, tra servizis e industrie (Linux, Il doman al è tes nestris mans. No je retoriche ma disvilup pes nestris impresis)