Dizionari de Lenghe Furlane

salate  /-là-/  sa|la|te  [AF]

1. s.f. plat di verdure e ortaie, soredut crude, cuinçade cul sâl, vueli, asêt o limon o ancje in altris manieris:  a mangjavin sot Pasche la cuartuce cu la salate frescje e il cuarnet a bine (Alan Brusini, Come tai romançs)
   Var. salade
   
   1. plat fat ancje di robe cuete, ma servît frêt, cuinçât in diviersis manieris:  [la trute vanzade] si pues ancje zontâle a une biele salate di cartufulis, magari di cuinçâ cun maionese e savôrs (Margherita Timeus, La trute, pescjâ e gustâ salût)
2. s.f. non di plui cualitâts di jerbis che si mangjin soredut crudis:  [a Setembar] si scomence a leâ la salate e si po ancje pensâ a sblancjâle cul puartâle, a pene che al rive il frêt, cun dute la lidrîs, in cantine o te stale (Emilia Baldassarre, Ort e cusine)

Proverbis:

• a cuinçâ la salate al vûl un mat a meti il vueli e un savi l'asêt
• cuant che la salate e à fat il grop, no si plantile plui
• il cjan dal ortolan nol mangje la salate e no le lasse mangjâ
• une pissade cence pêt e je come la salate cence asêt