Dizionari de Lenghe Furlane

rubriche  /-ì-/  ru|bri|che  [CO, TS]

1. s.f. tiere rosse doprade par colorâ parts di manuscrits o documents antîcs
   
   1. part colorade di ros tai codiçs antîcs, tant che la prime letare dai cjapitui o i titui dai paragrafs
2. s.f. librut dividût in sezions che a corispuindin al ordin alfabetic e che a son segnadis di une letare in evidence, in gjenar par scrivi dentri nons di personis cu la lôr direzion e il numar di telefon
   
   1. program o aplicazion digjitâl cun chê stesse funzion
3. s.f. sezion di une publicazion periodiche o trasmission radiotelevisive periodiche dedicade in particolâr a un argoment:  di Del Torre o savìn che tal so famôs Contadinel scomençant dal 1860 e fin al 1894 al publicave une rubriche cul titul: "Plantis che nassin in Friûl cultivadis e salvadiis" (Achil Telin, La Patrie Ladine, I, 2); Cristina De Michelis, che inte sô rubriche [radiofoniche] si ocupe di salût e medisinis naturâls (Max Mauro, Un Friûl difarent: i 90 mhz di Onde Furlane)