rubin
/-ìn/
ru|bin
[CO, TS]
-
s.m.
miner., ores.
minerâl formât di sescuiossit di alumini e di piçulis cuantitâts di ossit di crom, che al forme cristai slusints, di colôr ros scûr, tignûts tant che pieris preziosis:
jo za non curi lu mondan tesaur, / jo za non curi perlis ne diamants, / non curi ne l'arint ne mancu l'aur, / e nancje pensi dai rubins brilants (Florendo Mariuzza, Vane rissoluzion)
-
chel minerâl, in câs ancje prodot di sintesi, lavorât in maniere di fâ di base par mecanisims di precision
-
adi.inv., s.m.inv.
colôr ros scûr:
une taule cuvierte da une piece rosse rubin (Frank Spada, La piece rosse)
-
s.m.
(ancje fig.)
in metaforis o paragons, persone o robe di grande bielece e grant valôr:
vô sês achel zintîl rubin / che a Cividât arint splendôr (Anonim, Bielo dumnlo di valôr)
-
in metaforis o paragons par dî alc di ros vîf:
perlis i dincj, i lavris son rubins (Eusebi Stele, La crudeltât, la tirania di Amôr)