romanic
/-à-/
ro|ma|nic
[CO, TS]
-
s.m.
st.art
ancje cun iniz. maiusc., stîl e periodi artistic european tipic dai secui XI e XII d. di C., caraterizât in architeture di formis solidis e arc taront, in oposizion al gotic, caraterizât de ricercje de verticalitât:
[il Gotic] al cjape dentri il periodi tra la fin dal Romanic e l'inizi dal Rinassiment (Bepi Agostinis, Storie de art in Friûl);
cul romanic, la art si internazionalize, chel stîl al devente rapresentatîf di dute la Europe (Fabian Ros, La art e lis sôs funzions)
-
adi.
di forme, opare e v.i., che e à lis carateristichis di chel stîl:
la glesie e ve il so prin implant intal secul VI, cun mudancis e zontis romanichis e gotichis (Agnul di Spere, Nimis)
-
adi.
ling.
di lenghe, che e derive dal latin:
al è clâr che la lenghe plui doprade e jere la lenghe romaniche locâl: il furlan (Zorç Cadorin, Risultive pal bon acet);
il progjet al è stât inviât dal Dipartiment di Lenghis e leteraturis gjermanichis e romanichis de Universitât dal Friûl (Federico Vicario, Documents de Ete di Mieç pal studi dal furlan antîc)
Sin. neolatin