rodele
/-dè-/
ro|de|le
[CO]
-
s.f.
ruede avonde piçule o struture cun forme circolâr e plache:
prontâ lis rodelis des cidulis, che a vegnin seadis fûr dal len di peç (Renzo Balzan, Cidulis e çocs)
-
part mecaniche di forme circolâr, in gjenar cun dincj che a permetin di trasmeti il moviment a altris parts:
i orlois metûts in vore cuntun sisteme di rodelis (Carlo Bressan, Il paîs des meridianis)
-
(fig., scherç.)
part dal cerviel che e permet di pensâ, di capî, di vê un ecuilibri mentâl normâl e v.i.:
si sint la belece dal spetacul, parcè che il çarviel al à dutis lis rodelis, ma no si è bogns di contâ a chei altris ce che e prove la nestre anemate (Arturo Feruglio, Viaç a Vignesie)