rochet /-èt/ ro|chet [CO, TS]
- s.m. lit., vist. vieste liturgjiche di lin blanc, cu lis maniis largjis ornadis di puntine: pre Pieri al lassa implantada la messa, al tira sù rochet e tonia (Torquato Linzi, Storiutis di Spilimberc)
- s.m. vist. vieste di cjase, in gjenar avonde lungje e cu lis maniis, che pal solit si met in cjase parsore dal pigjame o ancje su la piel: Lulù e jere vistude cuntun rochet blanc che a i marcave l'incjarnât indorât de piel slisse (Fabian Ros, Eivissa mon amour)