Dizionari de Lenghe Furlane

ritîr  ri|tîr  [CO]

1. s.m. il tirâ indaûr alc:  al veve domandât il ritîr dal emendament prime de votazion (Dree Venier, Cartei in plui lenghis sì, ma sotvôs)
2. s.m. il cjapâ alc in consegne:  un solt discomparît [dal archivi] e nissune ricevude dal so ritîr (Gianluca Franco, Il solt di Arlunc)
3. s.m. il tirâsi indaûr di une cierte ativitât, compagnie e v.i.:  tal 2007 si profilave il ritîr di Zuan Frau de sô ativitât universitarie (Adrian Cescje, Memoriis di politiche linguistiche)
4. s.m. l'at di isolâsi di chei altris, par cjatâ trancuilitât, pensâ, meditâ e v.i. e il lûc dulà che si sta bessôi:  une volte al mâs si faseve une zornade di ritîr e une volte ad an une setemane di esercizis spirtuâi (Antoni Beline, La fabriche dai predis)
   
   1. [TS] sport permanence di une scuadre intune sole residence, par fâ alenaments intensîfs e par perfezionâ dinamichis tecnichis e di grup:  cumò la scuadre e je in ritîr par preparâ l’incuintri cul Palermo (Marc Stolf, Parma - Udinese 1-0)
5. s.m. (fig.) puest isolât o parât:  nel so ritîr ogni nemâl durmiva (Zuan Josef Busiç, La Eneide di Virgjili)
6. s.m. [TS] burocr. revoche di une concession, di une autorizazion e v.i.:  in Slovenie no bisugne passâ il limit dal 0,5 [di alcul tal sanc]. In chest câs il ritîr de patente - e une multe no di pôc - a son sigûrs (Alessio Potocco, Slovenie, istruzions par l'ûs)
7. s.m. rinunzie a puartâ insom alc che si à tacât o che si varès di fâ, tant che un esam, une prove, une competizion e v.i.:  jo o ai fatis nûf garis e, di cuint che o soi rivât te prime, o soi lat simpri peiorant […] cun cualchi ritîr "per guasti meccanici" (Alan Brusini, I coridôrs di Tresesin)
8. s.m. [TS] tecn. riduzion di volum di un materiâl:  zontâ chescj elements al rindeve la ceramiche plui fuarte parcè che al riduseve il ritîr cuant che si suiave (Andrea Pessina, Gaetano Vinciguerra, La preistorie in Friûl)
9. s.m. contrazion muscolâr o di cualchi part dal cuarp:  denant di saltâ fûr in tant rigôr, / mi soi svuedât un bussul di licôr. / Di chel instès, ce sgrisul, ce ritîr! (Meni Ucel, Criùre)