Dizionari de Lenghe Furlane

riservatece  /-tè-/  ri|ser|va|te|ce  [CO]

1. s.f. caratar di cui che nol pant ator ce che al è personâl, che nol vûl imparêsi:  bisugne domandâsi se la riservatece dai furlans tal magnificâ i lôr ponts di fuarce e je une robe che e paie o ben no (Gloria Angeli, Il Strolic furlan pal 2013)
2. s.f. atenzion tal tratâ cun cdn. o cun alc in maniere di no tocjâ la sô sensibilitât personâl e di no fâ savê ator ce che al è personâl:  al è clâr che nô volontaris o din une man cu la massime riservatece (Marta Vezzi, Il "Centri di jutori ae vite" di Tumieç)
3. s.f. cualitât, caratar di ce che nol à di jessi pandût a ducj:  la riservatece dai dâts personâi e varès di jessi garantide de critografie (Matteo Baldan, La stele di Assange, che e à inceât la Americhe, cumò no lûs plui)