riscatâ
ris|ca|tâ
[CO]
-
v.tr.
liberâ un ostaç, un presonîr, un sclâf, in gjenar paiant une sume di bêçs:
ve [te comedie "Il persian" di Plaut] il servidôr Tossil che al riscate cun l'ingjan la biele sclave che al ame e al trufe il rufian proprietari (Anna Bogaro, Aquilee e rît cun Lello Arena)
-
v.tr.
paiâ une sume par jentrâ o tornâ in possès di alc:
parfin la cjase di so puar pari, ereditade dai vons e che simpri al contave trops balins che al veve spudât par podê riscatâle dute, ancje la part che ur veve tocjât a lis sôs sûrs! (Laurin Zuan Nardin, Cjampanis)
-
[TS]
dir.lav.
paiâ une sume di integrazion par podê gjoldi ad in plen di un dirit madressût dome in part:
un proviodiment legjislatîf che ur permeti ai musiciscj di riscatâ in maniere autonime i contribûts no paiâts (Piero Cargnelutti, Musiciscj par mistîr)
-
v.tr.
[TS]
dir.
tornâ a dâi a une persone ducj i dirits e la capacitât legâl che e veve pierdude par une condane, scancelant chê e i siei efiets
-
v.tr.
salvâ di un cualsisei pericul, menace o situazion negative:
il contadin co l'à un manç chei sta mâl di voie l'è pront, nol piart timp: al cor a cercjâ il marascalç, al sta sù la gnot, al fâs di ogni arbe un fas par riscatâlu (Giuseppe Ferdinando del Torre, La fie capriçose e il contrabandîr);
so fi, done Lucrezie, professant i siei ideâi al à sielte la strade dai puars sotans e ju riscate dai siôrs (Alviero Negro, Int di masnade)
-
v.tr.
fâ in maniere che cdn. al torni a vê il rispiet o une posizion te societât:
o vin di oponisi ancje intal non di chei vecjos, di chei muarts, di chês feminis, di chei fruts, di ducj chei mats che in chestis pirulis [di cuintristorie] o pensin di vê almancul un fregul riscatât (Angelo Floramo, 1914-2014 Cuintristorie de Grande Vuere)
Sin. realdî
-
fâ in maniere che alc al torni a vê la sô dignitât e la sô integritât:
al sintive pesâi su lis spalis il dovê di riscatâ il grant non da la Italie (Alviero Negro, Un purcit pa la Storie)
-
compensâ o fâ vignî fûr di une situazion negative:
la citât dai agns Cincuante e à vivût un procès lunc di modernizazion, lant a riscatâ in curt la cundizion di ritart culturâl, economic e sociâl (Piero Cargnelutti, 30 agns di famee e societât furlanis intune mostre fotografiche a Udin)