ricostruî
ri|cos|tru|î
[AF]
-
v.tr.
(ancje ass.)
fâ sù di gnûf, soredut alc che al jere stât sdrumât o che al veve vût dams:
la voie di vivi cuintri di ogni fuarce di distruzion si manifestà intant che si mudavin ancjemò i rudinaçs des cjasis sdrumadis par cirî muarts e vîfs restâts sot. E jere voie di ricostruî tai stes puescj li che al jere sdrumât (Adrian Cescje, Memoriis di politiche linguistiche)
Sin. rifâ
-
v.tr.
individuâ i elements che a formavin un fenomen, une dinamiche e v.i., e fâsi une idee di cemût che a fossin chel fenomen o chê dinamiche:
nol jere om, lui, di passâ une vite tun archivi a scrutinâ e a interpretâ cun pazience, a ricostruî tocut par tocut i fats dal passât (Gian Carlo Menis, Pre Checo e la storie);
ricostruint la storie passade dal univiers, lant indaûr tal timp o vin un univiers simpri plui piçul fin a ridusisi a un pont (il pont dal Big Bang) (Sergio Cecotti, Teologjie algjebriche)
-
v.tr.
[TS]
filol.
tornâ a meti un test te forme che si considere che e fos chê origjinarie, jemplant lis mancjancis, gjavant lis interpolazions e corezint i fai
-
ling.
individuâ une forme che no je documentade midiant di comparazion e deduzion