ricors /-òrs/ ri|cors [AF]
- s.m. il zovâsi di cdn. par vê protezion, jutori, informazions, conseis e v.i., o il zovâsi di alc, di une capacitât, di un compuartament, di une tecniche par rivâ a fâ alc: al veve di fâ ricors a dutis lis sôs cognossincis matematichis… nol podeve falâ (Raffaele Serafini, Contis sot spirt)
- s.m. [TS] dir. istance che si fâs a di un orghin judiziari o aministratîf par vê la revoche o la revision di un at o di un proviodiment, che si calcolin tant che lesîfs di un dirit o di un interès: une normative aplicative de Regjon cun cheste interpretazion e sbatarès cuintri di cualchi ricors contrari ae Cort costituzionâl (Adrian Cescje, Memoriis di politiche linguistiche); il document mi spiegave che il ricors al jere stât acetât (Riedo Pup, Jo, evasôr fiscâl)
- s.m. ripetizion periodiche di fats, acjadiments, elements: la Storie, cui siei cors e ricors, e fasè colâ la armade francese (Angelo Floramo, Di Napoleon al Congrès di Viene. La storie de statue dismenteade)