retôr re|tôr [AF, TS]
- s.m. [BF, LE] cui che al rêç, che al dirêç, che al à il comant: o tu / Retôr di Erina / fai prest cul nimì la pâs, / lassa di Lena lis planuris (Anonim, Fingal)
- s.m. scol. cui che al è da cjâf di une universitât: mi presentai a la soredite biblioteche palesant une letare dal retôr de Universitât di lenti (Fabian Ros, Eivissa mon amour); domandâ al retôr de Universitât di dâ indicazion di personis di meti in Comission (Adrian Cescje, Memoriis di politiche linguistiche)
- s.m. scol., ecl. cui che al è da cjâf di un seminari: monsignôr Somede, il cancelîr di Curie, e monsignôr Maçarole retôr di Seminari (Giovanni Gortani, Un mus che al va frari); une dì, mi rive une letare dal retôr Fantini che mi clamave jù in seminari (Antoni Beline, La fabriche dai predis)
- s.m. scol. cui che al è da cjâf di istitûts scolastics tant che coleçs, convits e v.i.
- s.m. ecl. predi che al è da cjâf di une glesie che no sedi ni catedrâl, ni capitolâr, ni plêf: l'arzivescul, po dopo, ja fat retôr da la glesia don Luigi Gironcoli di Steinbrunn che ja tignût chel puest par 15 agns (Luciano Spangher, Monsanta)