Dizionari de Lenghe Furlane

resonarie  /-ì-/  re|so|na|ri|e  [CO, TS]

1. s.f. reson., econ., burocr. dissipline che e studie e che e da i criteris di contabilitât e control de gjestion economiche e pratiche che ju met in vore:  il mistîr di governâ un stât al à parentât strete cu la aritmetiche, anzit cun chê forme di aritmetiche che si clame resonarie: al è fat di numars, di conts e di torneconts, di inventaris, di interès e di partidis dal dâ e dal vê... (Josef Marchet, Partide dople)
   Var. rasonarie
   
   1. scol. chê dissipline tant che materie o indreçament di studi:  e je jentrade a lavorâ in Filologjiche [...] pôc dopo vê finît il cors trienâl di resonarie e contabilitât al Stringher di Udin (Nicola Saccomano, Marilena Desio 40 agns di lavôr in Filologjiche)
2. s.f. ufici, intindût tant che complès di imobii, mobii, imprescj e personâl, che al fâs funzions di contabilitât e control de gjestion economiche e pratiche che ju met in vore:  une verifiche fate de Resonarie Provinciâl (Elisabetta Farisco, La antighe Cjase de Vicinie di Varian)