repertori
/-ò-/
re|per|to|ri
[AF]
-
s.m.
liste ordenade e sistematiche di dâts, informazions e v.i., o ancje il libri o il supuart cun chê liste:
ancje la Tipocosmia di Citolini e vûl jessi un sisteme di memorie e un repertori enciclopedic (Mario Turello, Il brevet);
lassant la consultazion dal repertori lessicâl al colegament in rêt, mi limiti a proponi la liste dai documents presints tal repertori, che, come che o disevi cumò denant, a son pal moment 31 (Federico Vicario, Documents de Ete di Mieç pal studi dal furlan antîc)
-
s.m.
complès di oparis teatrâls rapresentadis di une compagnie:
tal repertori dal "Baraban" o cjatìn impuartants tescj teatrâi par talian e par furlan (Bepi Agostinis, Storie e cronistorie dal teatri in Friûl)
-
complès di tocs musicâi che un singul o un complès o une orchestre a son bogns di eseguî:
tal dopodimisdì, tal teatrin dal plevan, il coro "Lis vôs di Viarte" al veve di cjantâ dut il so repertori (Gianni Gregoricchio, Îr e doman);
la plui biele serenade dal nestri repertori (Meni Ucel, Serenadis)
-
complès des oparis di un autôr o ancje di une lenghe, di une comunitât, di une ete e v.i.:
tal 1976, Alviero Negro al burìs fûr "Joane", forsit la opare mancul incisive di dut il so repertori, ancje se premiade tal concors de SFF (Bepi Agostinis, Storie e cronistorie dal teatri in Friûl)
-
s.m.
(fig.)
complès, cuantitât di robis che cdn. al sa fâ, dî, pensâ e v.i.:
no mi contà nissune des sôs flabis che lu fasevin cussì uman viers di me. Il so repertori al jere finît, vonde cussì, che no vessin plui nuie ce contâsi (Alan Brusini, Gian Paolo Linda, I forescj);
Vigji Colaut al jere babio di contâ barzaletis e fufignis, tant che nissun i varès podût tignî daûr. Al veve un repertori cussì lunc che al varès jemplade une gnot interie se li ves contadis dutis (Pieri Menis, Il coragjo di Vigji Colaut)
-
s.m.
grande cuantitât e varietât di cualsisei robe:
"Zarde y zarde: al è di dut! Al è un repertori di dutis lis robis [sostancis psicotropis] che si puedin cjatâ ator! […]" (Stiefin Morat, Donald dal Tiliment)