regolaritât
re|go|la|ri|tât
[AF]
-
s.f.
il jessi regolâr, il lâ daûr des regulis:
la vigjilance su la regolaritât contabile e finanziarie (Aministrazion Publiche, Statût dal Comun di Udin)
Var. regularitât
-
s.f.
il vê une forme cence elements disarmonics, o che a dan infûr o indentri, cence asimetriis e v.i.:
lis colonis, che si drecin sù tra la jerbe, a somein une anomalie, une magjie che e ven dal passât lontan, cu la lôr regolaritât, cu la lôr evidente pretese di regolaritât gjeometriche (Adrian Cescje, Viaç aes origjins dal Logos)
-
s.f.
il vê une frecuence normâl, costante, previodibile e v.i.:
praticâ cun regolaritât ativitât fisiche (Guglielmo Pitzalis, Ocjo ai vues!);
[cul imboscament] i fluns ricevaressin plui regolaritât nel lôr cors, parcè che lis montanis no vegnaressin cussì improvisis e teribilis (Federigo Comelli, Il me paîs)
Sin. normalitât
Cfr. puntualitât