regjist /-ì-/ re|gjist [AF]
- s.m. cui che al dirêç la realizazion o esecuzion di une opare cinematografiche o teatrâl, di un program televisîf o radiofonic: il festival al à volût dedicâ, chest an, un piçul omaç al regjist Marcello De Stefano, che i siei lavôrs a vignaran restaurâts cumò de Cineteca del Friuli (Fabian Ros, La Mostre dal Cine Furlan e je al numar 10); di chei timps, di Pasolini o vin diviersis testemoneancis di tentatîfs senics ancje in Friûl, anticipant chel che al fasarà plui indenant tant che regjist (Bepi Agostinis, Storie e cronistorie dal teatri in Friûl)
- s.m. [TS] sport tai zûcs di scuadre, massime tal balon e te bale tal zei, zuiadôr che al à capacitâts particolârs di vision di zûc, che al permet ae scuadre di disvilupâ lis azions di atac
- s.m. (fig.) cui che al è responsabil dal disvilupâsi intune cierte maniere di une ativitât, une manifestazion e v.i.: il limit, e ancje il valôr di chescj imprescj di informazion, al è di vê un sôl regjist, o un regjist principâl. Che al po savê tant ma no dut (Antoni Beline, Insieme, par un altri toc di strade)