redimi
/-dì-/
re|di|mi
[CO, TS]
-
v.tr.
religj.
te religjon cristiane, salvâ dal pecjât e de soference de vite umane:
dome lui [Crist] al è il salvadôr e redentôr e ducj chei altris a àn di jessi salvâts e redimûts (Antoni Beline, Sant Jacum, là che al finìs il mont)
-
v.tr.
polit.
gjavâ un teritori e une comunitât di une situazion di sotanance sot di une potence foreste:
la ultime vuere di redenzion: chê par redimi Triest, Trent e Bozen (Riedo Pup, I furlans e il mestri)
-
v.tr.
gjavâ o salvâ di une cualsisei cundizion negative:
redimi 350 etars di tiere buine di coltivâ, che invezit prime e jere sogjete a inondazions e a roseaments (Giovanni Pillinini, Zuan Batiste Cavedalis - Une vite esemplâr)
-
fâ sparî e in câs compensâ une cundizion negative:
[...] cence contâ dute la fam patide che si veve pûr di recuperâle e redimile o cumò o dibot (Ivano Urli, Storie di Min)