reagjî re|a|gjî [AF]
- v.intr. agjî o cjapâ un ciert compuartament o une cierte disposizion in consecuence di une altre azion, rispuindi a di un stimul, a une situazion e v.i.: i contadins, i sotans, i artesans e i puars […] a son leâts al paîs, ae tiere, al lôr sanc, ae lôr int, e a reagjissin cun suspiet a dut ce che ur ven, e ur ven imponût, dal forest (Alviero Negro, Int di masnade); un popul particolâr, che al fevelave une lenghe dute sô e che al veve un mût propri di reagjî aes disgraciis (Igor Londero, Cuintristorie dal taramot); dome rindintsi cont che il sisteme di podê talian al è antifurlan si pues reagjî e fâ alc pe democrazie (Sandri Carrozzo, Il Friûl tra conflit invisibil e alienazion)
- v.intr. [TS] fis. di fuarce, agjî in direzion contrarie a di un impuls
- v.intr. [TS] chim. di sostance, vê part intune trasformazion chimiche: a 1850 °C il zirconi si disfe e al reagjìs cul ossit di urani produsint une fusion eutetiche (Alessandro Pascolini, Il disastri de centrâl nucleâr di Fukushima Dai-ichi)
- v.intr. [TS] sport spec. tal balon, fâ une azion iregolâr o violente in rispueste a un fal di un aversari: cuant che si zuie di balon al è agonisim, scuintri fisic… no si zuie di biliart […] Alore il zuiadôr al piert il control e al reagjìs fasint ce che no si à di fâ (Christian Romanin, Dino Zoff: «O vin lidrîs buinis, o vin di tignîlis di cont»)