Dizionari de Lenghe Furlane

reâl²  re|âl  [FO]

1. adi. dal re, de regjine, dai rês:  il princip lu sconzure di tasê e po al torne content al palaç reâl (Andreina Nicoloso Ciceri, Chê de principine - Racconti popolari friulani I)
   Var. regâl²
   
   1. che al è in parintât cuntun re o cuntune regjine:  il re al ti rive cun dute la famee reâl (Laurin Zuan Nardin, Il cjaliâr); fin al secul XIX la storie dai stâts europeans si lee pal plui ae storie des grandis dinastiis reâls, e l'element etnic/linguistic/nazionâl al è presint ma secondari (Sandri Carrozzo, La fin dal Stât Nazionâl jenfri ilegjitimitât, inutilitât e paradòs, tal spieli de ipotetiche Riforme Costituzionâl taliane dal 2016)
   2. s.m. tal pl., il re, la regjine e la lôr famee:  i reâi di Spagne
2. adi. [TS] zool. cubie feconde tra cierts insets sociâi tant che lis termitis, lis âfs, lis furmiis e altris
3. adi. che al è sot de autoritât dal re, che al servìs il re e il ream:  la rote des liniis dal alt Lusinç a Pleç e a Tulmin e à causât la disfate di Cjaurêt e e à obleât l'Esercit Reâl Talian ae ritirade su la linie de Plâf (Aministrazion Publiche, Viscon - Lis liniis difensivis de Grande Vuere)
   
   1. che al ven de autoritât dal re:  tal mês di Dicembar dal 1934, un decret reâl al stabilìs un contingjent percentuâl di lavoradôrs forescj par ogni setôr di ativitât (Francesco Micelli, La emigrazion dal Friûl - Vignesie Julie te Belgjiche)