rapresentant
/-ànt/
ra|pre|sen|tant
[FO]
-
s.m.
cui che al rapresente une altre persone, un grup, un partît, une autoritât e sim.:
i esponents politics e i rapresentants des istituzions in dutis lis situazions publichis a comunicavin par talian (Max Mauro, Un Friûl difarent: i 90 mhz di Onde Furlane);
[lis citâts furlanis medievâls] lis cuistions plui impuartantis […] lis tratavin midiant dai lôr deputâts tal Parlament de Patrie; e in ognidune al jere un rapresentant dal patriarcje (Josef Marchet, Cuintristorie dal Friûl fin sot la Italie);
vere democrazie e je nome chê direte, indulà che il popul al fâs lis sôs leçs e si guvierne di bessôl cence bisugne di rapresentants, […] Ma si sa che par implantâ cheste forme di democrazie si scuen jessi in pôcs (Josef Marchet, …come che e diseve la gjate di Aquilee)
-
s.m.
[CO, TS]
cum.
agjent di cumierç che al viôt di presentâ, di propagandâ e di vendi i prodots:
[l'ambient, une locande] lu trafichin soredut rapresentants e comitivis (Sandri Di Suald, Ah! la provincie)
-
s.m.
cui che al fâs part di un ciert grup, di une cierte categorie e v.i.:
la famee si jere disfate e i siei ultins rapresentants si jerin dispierdûts di ca e di là pal mont (Carlo Sgorlon, Ombris tal infinît);
une pelicule sociologjiche e satiriche sui rapresentants de classe alte di chê nazion (Fabian Ros, La Mostre dal Cine e devente europeane);
Alan Brusin, vignût a mancjâ ai 16 di Avost stât [2014], un dai ultins rapresentants di chel grop leterari storic che al è stât «Risultive» (Erika Adami, Un voli su la culture furlane)
Sin. membri1
, esponent