radio
/rà-/
ra|di|o
[FO]
-
s.f.
sisteme e aparât di emission e ricezion di segnâi radiofonics, spec. tant che mieç di comunicazion di masse:
al veve durmît un pâr di oris prin di montâ in servizi e nol veve fat adore a scoltâ la radio (Agnul di Spere, In viaç di domenie);
e scoltave musiche par radio (AAVV, Sul florî)
Var. aradio
-
s.f.
ancje cun iniz. maiusc., organizazion publiche o privade che e fâs trasmissions radiofonichis di notiziis, programs musicâi, culturâi e v.i.:
la nassite uficiâl di Radio Onde Furlane e rive juste inte zornade che a son tacadis lis trasmissions tal piçul studi di plaçâl Cella 63 (Max Mauro, Un Friûl difarent: i 90 mhz di Onde Furlane)
-
sede, personâl e complès di aparâts di chê organizazion:
une sere Pauli, intant che o jeri a un conciert tal Zanon, mi à dit "Vegnistu a vore in radio par doi mês chest Istât?" (Max Mauro, Un Friûl difarent: i 90 mhz di Onde Furlane)
-
adi.inv.
de radiofonie, che al funzione, al ven trasmetût o ricevût in graciis dai segnâi radiofonics, che al covente par trasmeti o cjapâ chei segnâi e v.i.:
o ai provât a dâi un sfueut cu la propagande de mê trasmission radio parcè che o soi disc-jockey, savêso? Bon, jê lu à cjapât ma no sai ce che e varà pensât (Checo Tam, La maree nere);
i prins panei FV a son stâts metûts cuintri soreli par cjariâ batariis eletrochimichis in stazions radio in lûcs cence corint di rêt (Lorenzo Marcolini, Lis celis organichis nanostruturadis)