racuardi /-àr-/ ra|cuar|di [CO]
- s.m. colegament materiâl o imateriâl jenfri doi o plui elements: un model di gjestion de emergjence e dal intervent public intune aree disastrade che si base su la deleghe massime ai ents locâi - Regjon e Comuns - e sul lôr racuardi a nivel nazionâl midiant de figure di un Comissari Straordenari (Igor Londero, Cuintristorie dal taramot)
- s.m. passaç, in gjenar formât di une corsie o vie secondarie, che al permet di lâ dentri o fûr di une autostrade o di une strade grande, colegant cul rest dal sisteme viari: il paisaç al vuadagnarès cetant in bielece cui sorepàs, cui puints, cui svincui e i racuardis di asfalt (Angelo Floramo, Cuintristorie dal Nûfcent 2000-2010); i lavôrs di sistemazion dal racuardi di Vilès-Gurize (Redazion La Patrie dal Friûl, Ikea furlane Gurize?)