punitîf pu|ni|tîf [CO]
- adi. dal punî, dal cjastiâ, che al covente par punî, che si fonde su la punizion, sul cjastì e v.i.: il fassisin che al veve cjatât fuarte resistence tes organizazions dai contadins e dai operaris, cu lis menacis e cu lis spedizions punitivis lis siere o lis da dongje cu lis sôs (Pieri Piçul, Storie dal popul furlan); vie pai agns, in gracie di une serie di proviodiments legjislatîfs, il servizi civîl al piert ciertis limitazions e aspiets punitîfs che lu cjamavin al inizi (Stefania Garlatti Costa, Il Servizi civîl, dai agns Setante in dì di vuê)
- adi. (fig.) che al somee meti in cjastì, che al met in disvantaç: a son pocjis oris di trasmission [televisivis par furlan] ad an, in cualchi câs di cualitât une vore alte, ma dispès penalizadis di oraris di emission punitîfs (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)