psicologjie /-ìe/ psi|co|lo|gji|e [AF, TS]
- s.f. sient. sience che e studie la struture de ment, dai procès mentâi e emotîfs: la psicologjie e la medisine ocidentâl si son interessadis soredut a lis meditazions metudis adun inte tradizion induiste e in chê budiste (Franc Fari, Neurosiencis de meditazion)
- s.f. sient. complès dai funzionaments mentâi e emotîfs e des modalitâts razionâls tipichis di un individui o di un coletîf: la stupide psicologjie des miezis veladis, che al ven a stâi di chê borghesie e piçule nobiltât che e je plui infetade di «sudizion» e che plui pidadis e cjape e plui e leche il pît che jes mole, e tacà adore a simiotâ il custum e il lengaç dai parons (Josef Marchet, Sudizion, la pecje dai furlans); ogni plan dal film al à une struture e un contignût che al sgjave intes psicologjiis dai personaçs e dentri des lôr storiis (Fabian Ros, Loreak, flôrs e cinise)
- s.f. capacitât di cognossi la maniere di pensâ, di sintî, di reagjî des personis, o in câs ancje dai animâi: anzit, te ocasion, cualchi espert di psicologjie mi veve conseât za in chê volte di no tocjâ ni predis, ni militârs ni tifôs di balon (Riedo Pup, Rispueste: cjalâ e tasê)
