protagonisim /-nì-/ pro|ta|go|ni|sim [CO]
- s.m. posizion di protagonist, di cui che al è sogjet responsabil e cussient des sôs azions: i furlans e son passâts di une condizion emargjinade [...] a une cussience de lôr identitât, de lôr autonomie spirituâl, che ju puartave a une precise volontât di protagonisim te evoluzion dal lôr destin storic (Gian Carlo Menis, Il Friûl disferent di Marchet)
- s.m. atitudin di cui che al pretint di jessi protagonist, di cui che al à plui atenzion, plui impuartance: propit lui [il president dal consei], acusât pal plui di protagonisim, di tentâ di presentâsi come il «quinto grande» e di olsâ adiriture di ufrîsi come sensâr fra Reagan e Andropov, fra Grant Bretagne e Argjentine (Riedo Pup, La Comission de miserie)