proletari  /-à-/  pro|le|ta|ri  [CO, TS]

  1. adi., s.m. stor. che, cui che te Rome antighe al jere censît dome pe sô persone, che nol veve nissun patrimoni
  2. adi., s.m. sociol., polit. che, cui che al fâs part de classe sociâl basse, cun redit bas o minim, formade, te vision marxiste, di lavoradôrs che no son parons dai mieçs di produzion, che a vivin dome dal salari dât in cambi de fuarce lavôr:  chês operis di meiorament che prometin gnovis fuarcis al puôr, e che al proletari prometin possidença e ricjeça (Federigo Comelli, Il me paîs); Zuanat al diseve simpri che a lui i bastavin i braçs che al veve e che nol sintive propit nissune dibisugne di unîsi cui proletaris di dut il mont (Dino Virgili, La aghe da pît la cleve)