progression  /-òn/  pro|gre|ssi|on  [CO]

  1. s.f. moviment, dinamiche o secuence che a van indenant daûr di un ciert ordin o di un ciert ritmi:  al veve vût simpri il convinciment che la storie di un om e je une progression incuintri a une presince simpri plui grande dal spirt, man man che si inflacjissin lis fuarcis (Agnul di Spere, Zûcs di Istât); misurâ la progression dal aprendiment (Adrian Cescje, Memoriis di politiche linguistiche)
  2. s.f. [CO, TS] sport esercizi, dispès di corse, li che si tache a planc e po si incrès a man a man fin ae intensitât o velocitât plui alte che si rive:  "E cumò dîs progressions! Dai mo, che o vuei ben viodi se o rivìn a vinci domenie che e ven!" (Stiefin Morat, Donald dal Tiliment)