preture
/-ù-/
pre|tu|re
[CO, TS]
-
s.f.
stor.
incjarie dal pretôr, dal magjistrât di Rome antighe che tai prins timps de Republiche al veve funzions di consul, po dopo magjistrât minôr, cun funzions di aministrazion de justizie
-
timp che al steve in cjarie un pretôr
-
s.f.
dir.
incjarie di magjistrât cun funzions di judiç unic, cun competence teritoriâl limitade
-
jurisdizion dal pretôr, teritori limitât, che al podeve corispuindi al mandament o ae provincie, li che al veve competence un pretôr
-
edifici, in câs ancje cun dut il materiâl e il personâl, li che il pretôr al fâs lis sôs funzions:
al nassè dut un davoi e il biât om al fo strissinât in preture (Alan Brusini, Trê parabulis);
siet mil operaris si movin dai cantîrs di Monfalcon e, menaçant di brusâ preture e presons, a fasin liberâ Minut (Carli Pup, La seconde Irlande)