pretôr pre|tôr [CO, TS]
- s.m. stor. magjistrât di Rome antighe che tai prins timps de Republiche al veve funzions di consul, po dopo magjistrât minôr, cun funzions di aministrazion de justizie
- s.m. dir. ancje cun iniz. maiusc., magjistrât cun funzions di judiç unic, cun competence teritoriâl limitade: "Sêstu stât po là dal pretôr, ce ti aial dite?" "Al pretôr i somee che no si puedi lâ indenant cu la cause" (Pieri Somede dai Marcs, L'avocat e la luianie); al procès, il Pretôr al sint prin i carabinîrs e po al domande a Jacum [...] (Angelo Covazzi, Scrite sul mûr)
- adi., s.m. (fig.) in metaforis e paragons, persone plene di autorevulece, di autoritât o in câs ancje di prepotence: al rive un siôr in veladon, cun tante di cane lustre e cu li manecis, cun tant di cjadene di aur tal camisulin, sintât cumo un pretôr intune coroce a tîr di cuatri (Dolfo Zorzut, Eh! in chist mont, par doventâ siôrs, si dovi robâ); "Vô che o sês stade tant pretore a guviernâ in timp che o jeri vie, fasêt ancjemò une sentence" (Popolâr - Andreina Nicoloso Ciceri, La sentence de regjine - Racconti popolari friulani I)