prescrivi /-crì-/ pres|cri|vi [CO]
- v.tr. (ancje fig.) comandâ midiant di une norme scrite: la leç 482 e prescrîf che «Inte convenzion tra il Ministeri des comunicazions e la societât concessionarie dal servizi public radiotelevisîf e intal contrat di servizi che i ven daûr, a son siguradis cundizions pe tutele des minorancis linguistichis intes lôr zonis» (Redazion La Patrie dal Friûl, Plui autorevolece pal Friûl des autonomiis)
- v.tr. scrivi o in ogni câs racomandâ, tant che rimiedi, tant che terapie: lu ai simpri viodût strac ae fin de zornade, e no capivi masse ce fadie che e fos a fâ visitis e a prescrivi medisinis (Bete di Spere, Ise plui dificile la diagnosi o la cure)
- v.tr. (estens.) comandâ o racomandâ in sens gjeneric: a fasevin dut ce che al coventave e ce che al jere prescrit o conseât par jessi catolics (Riedo Pup, I furlans e la Vite Catoliche)