preliminâr
pre|li|mi|nâr
[CO]
-
adi.
che al ven prime di alc, che al covente a preparâ, a introdusi, a inviâ:
par spiegâsi o vin di fâ un pas indaûr, une piçule digression preliminâr (Sergio Cecotti, Teologjie algjebriche);
o ai fate une domande preliminâr ae Comission: aial rispietât o no Lamuela i criteris che i jerin stâts indicâts de Comission? (Adrian Cescje, Memoriis di politiche linguistiche)
-
s.m.
contrat che al impegne lis parts ma che nol è ancjemò definitîf, che al previôt clausulis di recession:
vuê istès e metìn in cjarte il preliminâr (Ercole Carletti, Mariute);
«Eco» al disè, mostrant a 'Sef un sfuei scrit a machigne «il preliminâr di comprevendite, come che o mi vês dite. Naturalmentri se o sês simpri dacordo su lis cundizions che o savês» (Nadia Pauluzzo, Il bintar)
-
s.m.
tal pl., at erotic che al ven prime de penetrazion:
chê frute li, impins e che ti sta mangjant cui voi, no tu vignarâs a dîmi che no ti stice la secrezion ormonâl und la fantasie dai preliminârs sentimentâi! (Fabian Ros, Eivissa mon amour)
-
s.m.
[CO, TS]
tal pl., fase di incuintris par selezionâ cui che al varà part te fase centrâl e finâl di un campionât:
l'Udin al è jentrât in Champions. Anzit, tai preliminârs (Bete di Spere, Une gnot di Champions)
Cfr. eliminatorie