preiere /-iè-/ pre|ie|re [FO]
-
s.f.
formule rituâl par domandâ o par rindi graciis a une divinitât o sim.:
Diu al à scoltade la preiere di ogni dì, la tiere buine e à dât il vivi al contadin (Dino Virgili, La aghe da pît la cleve);
la funzion e lave indenant cui plevans a intonâ lis preieris e i cjants, e la int a rispuindi (Meni Ucel, Otavari a Madone)
Sin. orazion- at rituâl di pronunziâ chê formule: la preiere, ogni volte che si domande un plasê a Diu, che al vegni o che nol vegni, al è un mût di crodi che Lui al è bon (Francesc Placerean, La predicje di une domenie cualunche); la art e je preiere, ringraciament, esibizion dedicade de gracie divine ricevude (Adrian Cescje, Viaç aes origjins dal Logos)
- s.f. [TS] mus. toc di musiche di ispirazion religjose, cun invocazion a Diu, o ae Madone o ai sants
- s.f. domande fate cun umiltât, sumission, zentilece, formalitât, insistence e v.i.: al durà pôc il discors di Agnese, lis sôs preieris, il so domandâ perdon, il spiegâ… (Roberto Ongaro, Il muc); il Bide al doveve vê une preiere cussì cjalde e cussì fuarte tai voi che il vecjo Mucjin nol olsâ a dîi di no (Maria Forte, Il Bide di Miot); mê none Catine e veve scugnût rindisi, ma no prin di vaiudis e di preieris (Gianni Gregoricchio, Trê feminis)
- preiere di mus no va in cîl
- preiere di mus no va in paradîs