prefìs
pre|fìs
[CO, TS]
-
p.pass., adi.
[BF, FÛ]
viôt prefizi
, viôt prefizisi
:
cussì doncja si osserva e si ubidìs / il to destin? Chista citât saraie / forsi chê, che al to sanc à il Cîl prefìs? (Zuan Josef Busiç, La Eneide di Virgjili)
Sin. prefissât
-
s.m.
[CO, TS]
ling.
morfeme che si tache prime dal teme di une peraule e che e cambie il so significât:
dulà che par talian e in altris lenghis tancj verps si formin zontant a une lidrîs il prefìs derivât de preposizion latine AD, par furlan si à miôr doprâ il prefìs in-: inagâ, imbotonâ, indurmidîsi, inlaçâ, inmaneâ, intignî, invelenâ, inviâ (Sandri Carrozzo, Repertori di regulis pal nivel C);
i prefìs tipics de publicitât e normalmentri doprâts: super, mega, extra, iper, maxi (Marino Masuino, Lis peraulis de publicitât)
-
s.m.
[CO]
secuence che si met prime di un identificatîf, par esempli tai numars telefonics, par delimitâ un cjamp o teritori di apartignince