precipitâ
pre|ci|pi|tâ
[CO]
-
v.intr.
colâ jù di une altece avonde grande:
lu àn butât dentri te buse. E jù, jù, jù, jù, al è precipitât che nol finive mai, fin che al è colât intune poce di aghe (Stefano Morandini, Contis di 'Sef Mulinâr);
si vierzè une botule e o precipitarin ducj i trê tune stanzie sot tiere (Checo Tam, Sense)
-
in particolâr di alc che al svole, colâ jù cence control:
ator dôs di gnot i americans a derin la conferme che il laboratori celest al sarès precipitât prin di sere (Agnul di Spere, La pôre di Fidrì Job)
-
v.intr.
(fig., iperb.)
lâ jù di corse:
e, vidintle viars me a movi il pas, / corei, svolai, precipitai des scjalis (Ermes di Colorêt, II, 232)
-
ancje di un valôr, di une cuantitât e v.i., calâ une vore svelt
-
v.intr.
(fig.)
colâ intune situazion negative, in maniere une vore svelte e che no si pues fermâ:
chiscj vizis lu lontanin dai so dovês militârs, i impidissin di cunsisti cu la sô paia, i fan piardi l'onôr e la salût, lu sedusin in altris delits, e a la fin, al precipita in disgrazia (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
la baronade dal gjaul ti fâs colâ o precipitâ in ciertis colpis che ti ferissin no dome la anime ma ancje la dignitât (Antoni Beline, La fabriche dai predis)
-
v.intr.
(fig.)
rivâ a un esit, a un risultât, cun grande velocitât:
"Tu âs rason, Luzie; ma crodimi lis robis e son precipitadis indipendentementri de mê volontât!" (Bruno Paolo Pellarini, L'anel striât)
-
v.tr.
fâ colâ dal alt:
al poete vêr l'è aviart lu Parnâs, / ma no al bastart, / se estro a i mancje, e lenghe e la art. / Che se chest les in Parnâs / siôr Apolo al fâs fracàs, / lu precipite dabàs (Gabriele Paciani, Cuintrerispueste a un poete imagjinari)
-
v.tr.
fâ finî intune situazion negative:
salvâ il gjener uman da chel orent abìs di colpis, e di penis, a cui il pecjât origjinâl lu veve precipitât (Anonim, cit. in Federico Vicario, Una predica in friulano del 1840)
-
meti intune situazion di disonôr, in gjenar par cuistions sentimentâls:
"[...] e tu cumò tentis di precipitâ me fi! [...] Ce crodis che no vin savût che Valentin ven a cjatâti? disiluditi, i toi moroseçs no son plui nissuna gnovitât par nualtris" (Luîs Merlo, Tra parincj)
-
v.tr.
cjapâ une decision, inviâ une dinamiche, fâ alc in maniere imburide, prime che al sedi il moment just:
"No stâ precipitâ lis robis Fausto ancje se a son duris" (Maria Forte, Cjase di Dalban)