popolâr
po|po|lâr
[FO]
-
adi.
dal popul, che al ven dal popul, intindût tant che complès di citadins:
la volontât popolâr pandude par viis pacifichis e democratichis e rapresente l'unic riferiment dal procès democratic di soluzion dal conflit (Carli Pup, Un troi gnûf pe pâs: lis propuestis di bascs e curdis a Vignesie pe soluzion politiche dai conflits);
il popul, cussì, al è obleât a cedi la sô sovranitât a personis che magari nancje nol cognòs e che doman a guviernaran no daûr il mandât popolâr (Josef Marchet, …come che e diseve la gjate di Aquilee)
Var. populâr
-
dal popul tant che comunitât che e puarte indevant une culture tradizionâl o spontanie:
mi plaseve dut chel che al jere popolâr, primitîf e antîc (Carlo Sgorlon, Il dolfin);
tes contis popolârs [il carbon] al pues vê une creste rosse tal cjâf, come un gjal, in altris versions si dîs che al vedi fintremai come une flame (Sandri Carrozzo, Friûl di Magance)
-
adi.
relatîf al popul, intindût tant che complès dai stâts sociâi plui puars:
la repression des classis popolârs, la vuere teroristiche cuintri de resistence borboniche, la distruzion des pussibilitâts di svilup de Italie meridionâl e des isulis e la concentrazion dal podê economic in Piemont e in Lombardie a son fats storics cognossûts (Sandri Carrozzo, La colonie)
-
metût adun par chei stâts sociâi:
La Boca, un cuartîr popolâr e popolôs di Buenos Aires (Galliano De Agostini, La Boca un cuartîr di Buenos Aires)
-
adi.
une vore cognossût e benvolût:
[Pieri Fontanin e Jacum Viole] a deventaran i curadôrs dal "Cjar mat", une trasmission di informazion e satire tra lis plui popolârs dai prins agns di Onde Furlane (Max Mauro, Un Friûl difarent: i 90 mhz di Onde Furlane);
Jo crôt che sedin ben pocjis personis, / che propri, mai no vein vidût il mus. / […] / […] / par chest il mus, che al sedi, a mi pâr, / une bestie une vore popolâr (Pieri Masut, Il mus)
-
adi., s.m.
[TS]
polit.
che, cui che al è di ispirazion cristiane e di posizion conservadore plui o mancul moderade:
une altre propueste e rivà ai 20 di Fevrâr di un trop di eurodeputâts dal grup popolâr (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât);
cui tignive pai socialiscj, […] cui stave cui «popolârs» (Pieri Menis, Chei di Muraie)