politiche
/-lì-/
po|li|ti|che
[FO]
-
s.f.
teorie e pratiche dal guviernâ un paîs, dal puartâ indevant i interès di une comunitât o di un grup dentri e midiant des istituzions:
cheste volte lis elezions aministrativis a saran un apontament impuartantissim, che al varà riflès te politiche governative gjenerâl (Riedo Pup, Innsbruck Bonn e Avellino);
cualchidun al fevelave di politiche, e alore lis passions si impiavin e ducj a cjapavin subit fûc (Carlo Sgorlon, Prime di sere)
-
s.f.
azion dal guvier o esercizi dal podê, spec. intun ciert setôr:
une politiche di rilanç dal redit, par tant, no pues escludi l'inviament di une politiche industriâl finalizade a sanâ lis pierditis patidis dal mont aziendâl regjonâl e furlan (Fulvio Mattioni, Il futûr dal Friûl: laude ae "no sotan" economy);
sei la Republiche di Vignesie sei po la Austrie a mantignirin i rapuarts feudâi, a garantirin la rendite signorîl, no faserin une politiche economiche a pro dai contadins (Adrian Cescje, Liniis di storie sociâl e economiche dal Friûl 1500 - 1800)
-
maniere di guviernâ o di esercitâ il podê:
la Democrazie Cristiane in Italie si è avodade a fâ la politiche dal slaif. […]: tignî indaûr la reazion che e volarès tornâ ai siei tresêfs, e tignî indaûr la çamparie che e volarès butâ il mont cui pîts insù (Josef Marchet, La politiche dal slaif)
-
s.f.
ativitât di cui che al jentre inte vite publiche:
il gno impegn atîf in politiche al jere scomençât di pôc, o jeri zovin, e o vevi chel che si clame entusiasim creatîf (Adrian Cescje, Memoriis di politiche linguistiche);
no mi impaci in politiche, jo. O fâs i miei fats e no mi intrighi in nuie che nol sedi il gno lavôr (Roberto Ongaro, Il muc)
Sin. vite politiche
, vite publiche
-
s.f.
mût di pensâ e di fâ:
e je la eterne storie dai zovins che, tradint la politiche dai vecjos, a drecin la fortune de famee (Alan Brusini, Come tai romançs);
une volte, la politiche cui fruts e jere chê: come cui puieris: rompiur il flât di zovins (Riedo Pup, I furlans e i frutins)
-
mût di fâ sutîl par rivâ a un ciert fin, ancje ingjanant:
grande la pulitiche dal predi [che al à fat che la femine di Titute lu mandi in viaç a Vignesie], ma ancje chê di Titute no je di butâ tes scovacis (Arturo Feruglio, Viaç a Vignesie)
Sin. teolighe
, polegane
Proverbis:
- no stâ crodiur mai a chei che a àn politiche sporcje
