politic1
/-lì-/
po|li|tic
[FO]
-
adi.
che al rivuarde la ativitât che si fâs par indreçâ la vite publiche:
ce crodiso, che no vedi ancje jo la mê opinion e lis mês ideis politichis? (Guido Antonioli, Florean dal Palaç, I, 1);
Marchet, Pascul e Placerean a vevin insedât l'impegn pe lenghe intune azion politiche autonomiste (Adrian Cescje, Memoriis di politiche linguistiche);
la sostance de sô unitât e dal so patriotisim [de Svuizare] no je la liende di Guglielmo Tell, ma […] la serietât politiche de sô int (Josef Marchet, La sgarfade dal cjan)
-
che al à a ce fâ cul stât, cul parlament, cul guvier, tant che nivel parsore rispiet aes aministrazions locâls e parsot rispiet a organizazions internazionâls:
tes elezions politichis dal 1983 e 1987 il SNP al cjapà nome 2 parlamentârs (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
s.m.
che, cui che al fâs politiche di mistîr:
mi capite ancje di lei sul gjornâl che un politic, sot elezions, al fâs mil promessis (AAVV, Sul florî);
mi tocjave a mi di fâ il discors di jentrade, daspò dai salûts di circostance dai politics invidâts (Adrian Cescje, Memoriis di politiche linguistiche)
-
s.m., adi.
viôt presonîr politic
:
[ai presonîrs di vuere tal lager] no ur tocje il tratament dal politic che al è simpri scortât (Ivano Urli, Storie di Min)
