polaritât po|la|ri|tât [CO, TS]
- s.f. fis. concentrazion di cjariis eletrichis positivis o negativis: une cele solâr convenzionâl e je un diodi cun doi strâts a diferente composizion chimiche e dôs polaritâts. Intes celis planis une des dôs polaritâts e ven esponude ae lûs (Lorenzo Marcolini, Lis celis organichis nanostruturadis)
- s.f. concentrazion di elements che si puedin calcolâ contraris a altris: une distinzion di polaritât, rispiet al risultât eletorâl, jenfri posizions favorevulis e contrariis ai interès locâi (Sergio Cecotti, Il risultât eletorâl dai partîts di identitât teritoriâl - A case study: Scottish National Party); se o fos restât segretari si sarès dade dongje une dople polaritât, che intun partît piçul tant che l'Mf e varès menât intune situazion di contrast disastrose (Adrian Cescje, Memoriis di politiche linguistiche)